കൊച്ചി: ഫോര്‍ത്ത് വേവ് ഫൗണ്ടേഷന്‍ ‘പ്രോജക്ട് വേണ്ട’ എന്ന പേരില്‍ ലഹരിക്കെതിരേയുള്ള പ്രചാരണത്തിന്‍റെ ഭാഗമായി നടത്തുന്ന ‘വേണ്ട’ കപ്പ് 2026 ഫുട്‌ബോള്‍ മത്സരം കൊച്ചിയിലും പുറത്തും കൗമാരക്കരുത്തിന്‍റെ പുതിയ ആവേശമാകുകയാണ്.
കളിയിലൂടെ ലഹരിവിമുക്തമായ അന്തരീക്ഷം എന്നതാണ് ‘വേണ്ട’ കപ്പിന്‍റെ പ്രമേയം. ‘വേണ്ട’ കപ്പിന്‍റെ ഒമ്പതാം പതിപ്പില്‍ എറണാകുളം, ആലപ്പുഴ, കോട്ടയം, ഇടുക്കി ജില്ലകളിലെ സ്‌കൂള്‍ വിദ്യാര്‍ഥികള്‍ക്കായുള്ള മേഖലാ മത്സരങ്ങള്‍ പനമ്പിള്ളി നഗറിലുള്ള സൂപ്പര്‍കോച്ച് മുത്തൂറ്റ് ഫുട്‌ബോള്‍ ക്ലബ്ബിലാണു പുരോഗമിക്കുന്നത്. നാലു ജില്ലകളില്‍ നിന്ന് ആണ്‍കുട്ടികളുടെയും പെണ്‍കുട്ടികളുടെയും 20 വീതം ടീമുകള്‍ മത്സരിക്കുന്നുണ്ട്.
സംസ്ഥാനത്തെ നാലു മേഖലകളില്‍ നടക്കുന്ന മത്സരങ്ങളില്‍ ആകെ 160 സ്‌കൂള്‍ ടീമുകളില്‍ നിന്നായി 1600 വിദ്യാര്‍ഥികള്‍ മത്സരിക്കും. കൊച്ചിയില്‍ നടക്കുന്ന മേഖലാ മത്സരങ്ങള്‍ 15നു സമാപിക്കും.
Deepika
Corehub Solutions
E-paper LOGIN
LOGIN
